Дүмбей дүннүң чырыткызы
Дүмбей дүннүң чырыткызы
дүндүктелген айым-дыр сен
Делгем черим чырыткызы
дээримниң хүнү-дүр сен.
Чүткүлүмнүң сорулгазы
чуртталгамның утказы сен
Чамбы диптиң хаяазы дег
Чурумалдыг каасталгам сен.
Төрел чонум уламчызы
төлүм-дыр сен салганым сен
Төрээн чурттка алдар боор сен
Төре баштаар төлүм боор сен.
Чуртталгамның чула оду
чүрээм чартыы хензиг төлүм
Чечен мерген тоолда дег
Девип маңнаар мөге боор сен.
Сеткимлимниң өөрүшкүзү
Сесерлигим чечээ-дир сен
Черниң кырын, дээрниң адаан
Девип маңнаар мөге боор сен.
Автору: Хертек Т.Д.