Экии, айтырыыңарга 2 аңгы харыылап берейн.
1) Чээлини чежени-даа ап болур силер, бээр-ле болза. Бир чээлини үезинде төлеп шыдавайн баарыңарга силерниң чээли төөгүңерге(кредитная история) көстүп бээр.
Бир чээли алгаш өске чээли хаарын "рефинансирование" дээр.
Төлеп шыдавайн баар болзуңарза банкыга баргаш, чугаалажып тургаш төлээр үезин 1-2 ай ишти доңуруп азы төлээр үезин узаткаш ай санында төлээр акшаны эвээжедип болур.
Үезинде төлеп турган болзуңарза өске банктарга база рефинансирование кылдырып болур.
2) Чээли төөгүзүн чаартып болбас!!! Кижи бүрүзүнүң чаңгыс чээли төөгүзү турар. Аңаа кайыын-даа(шупту-ла алган чээлиңер, кредит картазы) алган чээлиңер болгаш үезинде төлеп-төлевээниңер көстүп турар.
Ону чүгле чаа чээли ап тургаш үезинде азы эртежик төндүр төлээш эдип болур.
Кредит төөгүзүн каяа хынап болурун бо арында бижип турган бис http://bodal.ru/849/
Чээли төөгүзүнүң чижээ адаанда чурукта.
