Чээлини боттары ап турар кылдыр кылдырарда 2 базым херек.
- Сбербанкче баргаш УДБО (Универсанльный Договор Банковского Обслуживания) билдириишкинин киирип каар силер.
- Оон чээли акшазын "вклад" азы картадан уштур кылдыр билдириишкинден бижип каар силер.
Чээли төлээр кылдыр аңгы вклад ажыдып алганы дээре. Оон ол вкладче Сбербанк-Онлайн таварыштыр акшаны суп каарга чедер. Чээли казыыр хүнүнде сбербанк боду тыртып апаар.
Картадан төлээр болзуңарза, база-ла аңгы сберкарта ажыдып алганы дээре. Эң бөдүүнүн шилип алыңар. Интернеттен санажып болбас кылдыр.
Эптиг талазы:
- Картаңарче акшаны банкоматтан суп болур
- Азы өске картадан смс-биле акша чоргузуп болур
Багай талазы:
- Картадан акшаны оорлап апарып болур. Сбербанкта карта страховказы бар, чылда 700 акша хире. Ынчалза-даа ол картага дыка хөй акша тутпас болза эки. Улуг дизе кредидиңер төлээр акшаның 2 каттап хөй акша тудары чедер.