Question

Answer 1

 Иргит Самбу. "Тыва Оюннар" - деп номдан үзүндү:

Мээң мөгем Чадаананың арзылаңы
Чамыяңның онаан үндүрүңе-эр!
Арзылаң дег күштүг мөге,
Амырга дег боттуг мөге
Калбак дашка тайбас,
Кадыр черге ушпас мөге.
Туткан холу кыскаш дег,
Турган боду сыра дег,
Дегээлээрге тендиш дивес,
Тевериңге шимчеш дивес мөге чүве, ээ!

Үндезини:  http://tyvalib.ru/Book/TyvaOyunnar#/page/39

Answer 2

Иргит Самбу. "Тыва Оюннар" - деп номдан үзүндү:

Мөгениң онаа саадап тур, оо!
Содак-шудак сыңмайн тур,
Солуп кедер чүве чок-тур, оо!
Турган боду арзылаң дег,
Туткан холу кыскаш дег,
Соондан көөрге соок кара далай дег,
Мурнундан көөрге, муңгаш кара туруг дег
Энниг эр деңнежип болбаан,
Эринниг эр домактажып болбаан эр-дир, оо!
Содак-шудак сыңмайн тур
Ынай када манаптың-аар!

Үндезини: http://tyvalib.ru/Book/TyvaOyunnar#/page/39

Answer 3

Иргит Самбу. "Тыва Оюннар" - деп номдан үзүндү:

Мөге девип үндү:
Оң холун оңгаар сунуп,
Солагай холун соңгаар сунуп,
Агып-дагып көстүнүп, чазанып
Ачыр-дачыр девип үндү-ле-ээ!
Көк дээрин хөлбеңнеди,
Кара черин сирттиледи 
Дээлдигенден тевингир,
Хартыгадан кашпагай
Мөгениң девип самнаарын
Мөңгүннүң аарын көрүп бараалгаңаар!
 

Үндезини:  http://tyvalib.ru/Book/TyvaOyunnar#/page/39