Бо декабрь 31 - январь 1 дээрге чүү ындыг байырлал дүнү? 31-де 12 шак келир-ле, хөй-ле улус аъш-чем делгеп алган чемненип-ле эгелээр. "Старт" дээни-биле дөмей. 12 шак эртерге чаа чыл үнген-не дээр, чаа хүн январь 1-ле дээр, ол хирезинде хүн-даа үнмээн мырыңай караңгы. Байырлал хүннери-ле дээр, үнүп келгеш көөрге арагалап эгелээриниң хүннеринге дөмей-даа ышкаш. Чылдың келгенин таа канчаан билип каапкан, ол чылды 12 шакта таа канчаан уткупкан чүве? Өргүл чүү-даа кылбас, ёзулал-даа чок, кылыры-даа билдинмес. Шажында ол хүнде чаа чыл байырлаар деп чүү-даа биживээн болур. Өгбелерниң ол хүнде байырлап турганының дугайында кайда-даа чаңгыс-даа биживээн болуп келир, эртемденнер-даа өгбелерниң байырлап чораанын шынзытпаан болуп келир чүве-ле-дир.
Православ "священник" дээр кижиден айтырарга Иисус дек 25-те төрүттүнген дээр, а католик кижи январь 7-де дээр. Ам ол чоннар авазының иштинден үнүп келирге кижи төрүттүнген деп санаар, а тывалар авазының иштинге турда-ла төрүттүнген деп санаар.
Ынчап келирге, ол декабрь 31-ниң 12 шак, тыва кижиге, "Чаа-Чыл" деп байырлал болур бе?