Ынакшылым, каяа чордуң?
Хаттыг дүвү эзиминге бөөлдеткеш,
Караамдан чаш сыстып турду, каяа чордуң?
Кара баарың ыстагыже, кээргеп келгеш,
Караам чажын чодуп берип турарың кай.
Караңгының имиринде аза бергеш,
Согур душ бооп душтум, каяа чордуң?
Кайгамчыктыг хүлүмзүрүүң меңээ шаңнап,
Соокка чаржап доңганымны чылдырың кай.
Имистелген оттуң катап кывары дег,
Ийи карааң дүжеп чордум, каяа чордуң?
Кажан шагдан күзеп, манап шылагзынган
Хайыралыг ынакшылым, каяа чордуң?
© Зоя Амыр-Донгак