"Шагаа-биле, курай-курай!"
Чаа чылым моорлап келди!
Чамбы-дипке хааннай берди!
Чылдың бажын уткуулу,
Чыргал-дышты йөрээли!
Бак-ла чүве ыңай турзун!
Эки чүве бээрлезин!
Эрбенниг сөс этпеңер!
Бай байлак чурттаалы.
Хамчык аарыг турбазын!
Хайлыг чүве келбезин!
Озал-ондак чайлазын!
Оор херээ болбазын.
Өлүм-чидим болбазын!
Өш-өжээн үнмезин!
Эптиг-демниг болуулу,
Эл-хол болуп чурттаалы!
Шагаавысты алгаалы,
Шайыңарны өргүңер!
Ада Дээрге тейлеңер,
Ава Черге мөргүңер!
Саңыңарны кыпсыңар,
Саян-Таңды өршээзин!
Буян-кежик арбыдазын!
Бурган ному делгерезин!
Курай, Курай!
© Роман Лүдүп